ઇ-બુક

સિગ્નેચર પોયમ્સ

ગિરીશ ચૌધરી

વિભાગ : કવિતા

વાંચો શેર કરો

(ગુજરાતી)

સિગ્નેચર પોયમ્સ

(કવિની ઓળખમુદ્રા-કવિતા)

આ નાનકડી કાવ્યપોથીમાં આપણા ગુજરાતી કવિઓની જાણીતી અને લોકપ્રિય બનેલી તથા જે-તે કવિની ઓળખમુદ્રા બની રહેલી કાવ્યરચનાઓ સમાવી છે. આ રચનાઓ બહુધા જૂની પેઢીના વાચકો-ભાવકોને ભણવામાં કે વાંચવામાં-સાંભળવામાં આવી હોવાથી જરૂર યાદ હશે. એમની આ યાદને તાજી કરવા અને એમના રસિક જીવને રાજી કરવા આ રચનાઓ અહીં રજૂ કરી છે.

નવી પેઢીના યુવા વાચકોને તથા રસિક ભાવકોને આ કાવ્યરચનાઓ વાંચવી-ગાવી અને વારેવારે મમળાવવી ગમશે. ખાસ તો આ નવા વાચકો આપણી મહત્ત્વની અને લોકપ્રિય કાવ્યપરંપરાને જાણે એ આશયે અમે આ સાહસ કર્યું છે. નરસિંહ મહેતાથી લઈને આજ સુધીના કેટલાક કવિઓની ખૂબ જાણીતી રચનાઓ અહીં મૂકી છે. ભવિષ્યમાં આ કાવ્યપોથી છપાયેલા પુસ્તક રૂપે સંપડાવવાનો વિચાર છે, પણ એ તો થાય ત્યારે ખરું. હાલ તો આ કાવ્યરચનાઓ આપની રાહ જુએ છે.

ગિરીશ ચૌધરી

પચીસેક વર્ષથી ગુજરાતી ભાષા-સાહિત્યના અધ્યયન-અધ્યાપન કાર્ય સાથે જોડાયેલો છું. ૨૦૧૪થી ચરોતરની શ્રી આર. કે. પરીખ આટ્‌ર્સ ઍન્ડ સાયન્સ કૉલેજ, પેટલાદમાં ગુજરાતીના અધ્યાપક તરીકે સેવારત છું. એ પૂર્વે શેઠ પી. ટી. આટ્‌ર્સ ઍન્ડ સાયન્સ કૉલેજ, ગોધરા, પી. આર. બી. આટ્‌ર્સ ઍન્ડ પી. જી. આર. કૉમર્સ કૉલેજ, બારડોલી અને નલિની-અરવિંદ ઍન્ડ ટી.વી. પટેલ આટ્‌ર્સ કૉલેજ, વલ્લભવિદ્યાનગરમાં અધ્યાપક તરીકે સેવા આપી છે. ‘વહી’, ‘રીતિ’, ‘શબ્દસર’, ‘વિ-વિદ્યાનગર’, ‘પરિવેશ’, ‘સાહિત્ય વીથિકા’ જેવાં સામયિકો તેમજ ‘અધીત’, ‘આસ્વાદ્ય ઉમાશંકર’, ‘સાહિત્યની અવધારણા’, ‘પૂર્વાલાપ’, ‘આસ્વાદમાલા’ જેવા સંપાદિત ગ્રંથોમાં અભ્યાસલેખ પ્રસિદ્ધ થયેલા છે. ગુજરાતી ભાષાના ખ્યાતિપ્રાપ્ત સર્જક ડૉ. મણિલાલ હ. પટેલના માર્ગદર્શનમાં ‘ગુજરાતી ટૂંકીવાર્તામાં ઉપસતી નારીની છબી’ વિષય પર સંશોધન કરી પીએચ.ડી.ની પદવી પ્રાપ્ત કરી છે. સહૃદય કવિ અને આગવી સંપાદકીય સૂઝ ધરાવતા શ્રી મણિલાલ હ. પટેલ સાથે ‘સિગ્નેચર પોયમ્સ’નું સંપાદન કર્યું છે.

વધુ જુઓ વધુ જાણો